كانت ايام سودة

باقي يومين

◄◄◄أه على الماتش وان شاء الله هنكسب

ماتش؟؟ ماتش ايه؟؟

◄◄◄ ماتش مصر والجزائر

ومين قال اني بتكلم عن الماتش؟؟؟

◄◄◄ ده حديث الناس كلها وكله بيتكلم عن الماتش

ده الناس الفاضية يا غالي انا بتكلم عن موضوع تاني خالص

◄◄◄عضو 1 : كلام جميل بس مش معني انك متابع الكلام الفاضي ده اللي هو الماتش انك مش هتصوم ولا تختم القران في العشر الاوائل من ذي الحجه

◄◄◄عضو 2 : طبعا القران هو الأساس..لكن ليه ما نحاولش نقرأ قران كنوع للتقرب لله قبل الماتش وتبقى فرصة لكل الناس على الأقل إللى ما فتحش المصحف من رمضان..وبعدين عمر الماتش ما كان للناس الفاضية مع إحترامى لكل الأراء أللى فوق رأسى...

◄◄◄عضو 3 : مافيهاش حاجة انك تعمل الفروض اللى عليك وتدعى لمصر انك تكسب ولا اية متهيالى ان مش حرام تحب بلدك وتدعيلها
بالمكسب

اعتقد يعني ان لما نقارن ماتش بخير ايام الدنيا يبقي اكيد حاجة فاضية وفارغة مقولتش حرام بس قولت بصوا احنا بنقارن ايه بايه؟؟
بنقارن الباقيات الصالحات بمتاع الحياة الدنيا يبقي حاجة فاضية ولا لاء - بالنسبة لخير ايام الدنيا - ؟؟ ومفيش تعارض بين انك تشجع بلدك وبين انك تستعد للعشر الاواخر بس برضه متخليش الكلام عن الماتش كتير قوي وكلامي موجه لشريحة كبيرة جدا من المجتمع ربنا عالم بيهم

◄◄◄عضو 4 : علي فكره يعني انت دايما بتعارض الفيس بوك وانت اساسا عليه 24 ساعه وبعدين يعني مفيهاش حاجه لما اتفرج علي الماتش وادعي المصر ما دام بصلي واعمل كل اللي ربنا قال عليه وبعدين الدين يسر وليس عسر

انا مش بعارض الفيس بوك انا بعارض انك تضيع وقتك عليه في انك تدور على حاجات مش قيمة او انك تقضيه في الشات والكويز والحاجات دي في مقابل ان في ناس كتير بتقضي وقتها على الموقع ده في حاجات مفيدة ده اولا

ثانيا انا مش اونلاين 24 ساعة على الفيس بوك القائمين على الصفحة بيكتبوا زيي 3 غير ان في 5 ماسكين مشروع القرآن يعني أنا مش 24 ساعة على الفيس بوك

◄◄◄ في حاجة اهم من ماتش بلدك؟؟

اه فيه
في حسنات
في خير ايام الدنيا
في ناس مش فاضية للماتشات ولا الفيس بوك ولا الحاجات دي وبتجهز نفسها

◄◄◄ اه اه الناس اللى رايحة الحج

لا مش الناس اللى رايحة الحج
الناس اللى انا اقصدها زيي وزيك
بيجيبوا ورقة وقلم وبيحسبوها صح

◄◄◄ محاسبين يعني؟؟

لا مش محاسبين
ناس ملتزمين بيستعدوا ازاي هيقضوا الـ 10 ايام الاولى من ذي الحجة بيرتبوا ازاي هيختموا القرآن في الـ 10 ايام دي وازاي هيصوموا الـ 9 ايام الاولى من ذي الحجة
بيكتبوا ازاي هيحجوا السنة دي

◄◄◄ ما انا قولتلك رايحيين الحج قولتلي لاء

هما هيحجوا بس مش هيروحوا السعودية

◄◄◄؟؟؟؟؟؟ وده ازاي يعني؟؟ هو في كعبة غير في مكة؟؟؟؟

اسمع كده الحديث ده من رسولك

◄◄◄ ها

ها مين؟؟؟ انت لما تسمع اسم النبي بتقول ها؟؟؟

◄◄◄اه اه عليه الصلاة والسلام سوري

لا ولايهمك
قال صلى الله عليه وسلم
"إن أقواما بالمدينة خلفنا ما سلكنا شعبا ولا واديا إلا و هم معنا فيه حبسهم العذر" (صحيح البخارى)

◄◄◄مش فاهم

طلع النبي في غزوة وهو في الغزوة قال للصحابة ان في ناس في المدينة المنورة مفيش مكان روحتوه يا صحابة ولا طلعتوا وادي ولا نزلتوا ولا عملتوا شئ الا لما اتكتبلهم من الاجر زي ما اتكتبلكم علشان كانوا نفسهم يطلعوا ونيتهم كانت صادقة بس عندهم عذر

◄◄◄سبحان الله

يبقي المطلوب منك

اننا داخلين على الايام العشر في اكتر من مشروع جهزهم اخ لينا في الادارة بتاعت الصفحة
هيتنشروا

الرسالة موجهة لمن التزم في رمضان ووجد انه قل بعد رمضان وكسل
لمن يريد ايام مثل رمضان يعود فيها مرة اخري
لمن يريد الالتزام
احنا جنبك وبنساعدك
وبنمدلك ايدينا وتحت امرك ان شاء الله

فان انا مسلم
فيس بوك ونت في طاعة الله اللهم وفقنا لما تحبه وترضاه